أظرف الفواكه
يا ستات ويا حلوين:: بانصحكن بعابدين
كرشو برج الدبابة:: بتقول جايي من البحرين
عالتفاحة التفاحة ::عبد اللة شقلب سحّاحة
تركيزو زاد عالميي ::وفار وعبّى هالساحة
عالليموني الليموني ::استاذ وفيق يا عيوني
الكرّة زعلانة قال ::بدها تحضر منوني.
وعالتوتي التوتي التوتي ::بدّي احكي حدوتي
برناردشو عم يرسم ::مائي وديكو مو زيتي
عالخيار وعالخيار:: في عنّا أنعس مختار
دلاتي دوما نايم ::وعقلاتو راحت مشوار
عالبندورة البندورة ::وفلانة عيد الفرفورة
بتتحمّر وبتتبودر:: بتمشي متل الغندورة
بتعرب الماضي مفعول:: وبيقولولا شطّورة
موجهنا آخر موضى:: دايما عايش عالفوضى
ولمّا بتقعد عندو الست:: بيسد طواقي الأوضة
بهجيكن يهجي حالي:: دخلك شو على بالي
صفي صار متل الفرجة ::ومين بيرد ع سؤالي
ليش عملوا الإدارة ::واللة رح نتّف حالي
محمد زينة يا غالي ::ويا محققلي آمالي
ليش الدورة مسدودة ::رايح شخ بشروالي
محمد زينة لا تهتم ::عندك شعب بيشرب دم
نحنا الأب ونحنا العم ::ونحنا صرامي من البالي
1981
posted by mhdar @ 7:46 PM
0 Comments:
Post a Comment
<< Home