كلية :محمد سعيد يونس
كلية محمد سعيد يونس
بدّي غنّي غنيي ----- وما مستني التحيه
عن مدرسه بالاساس ----- وهلّق صارت كليه
قايدنا آبو حديد ----- هوّي البطل الصنديد
بتناول اجرو والايد ----- و ضرباتو أوربيه
وهوّي البطل الهمام ------ صامد عا مر الأيام
قايدنا على الدوام ------ وشّو خريطه عربيه
لابسلي كرافيت وبوط ------ ودواليبو ما بتلوط
مدوّخ زاما وبيت ياشوط ----- وسعيدي الياشوطيه
سيد رأفت يا ستّار ----- بتشوفو جايي هدار
شعّل بالكليه النار ----- وما ودّى الاطفائيه
وهوّي استاذ التاريخ ---- داعم حالو بكم سيخ
روح ابصم لي يابطيخ ----- وسمعّني عاهالنيه.
ولأنو بيكتب يسار ----- قال انو من اليسار
شهنق حابيبو الحمار ----- والبقره الهولنديه
يا خوفو ما بتتعرف ----- عا طالب عم يتأفف
أبو الهول منك خرّف ----- وصار ينادي حريه.
والساموك أمين السر ------ دايق الحلو والمر
صوتو صوت طيور البحر ---- وخصرو خصر الحوريه
وفي عنا شاويش الكل ----- متل الرعد علينا يطل
حامل بيدو قيد وغل ----- كرشو باص البلديه .
بيجينا لابس جاكيت ----- بالع كل صحون البيت
هربت منو قناني الزيت ----- والخواريف المحشيه
والسيد آبو تنوخ ----- لابس عالصبح شاروخ
من حكيو صرنا مندوخ ----- عالوحده والحريه
الحكي عنّا ممنوع ----- والكهرب دوما مقطوع
واللي بيعملها وبيجوع ----- يشم زهور البريه
والمدرب الضرغام ----- بيخرا عا كل الأقوام
داعم حالو بأهل الشام ----- والباروده الروسيه
اللة يديم علينا الكاس----ويخلّي أبو العباس
واللة ينضّفلوا هالراس----وتبقى شعلة مضوية
حاملي مخ معتّق ----- وأفكارو أعتق أعتق
وبتشوفو عم يتمزق ----- منا من" المالوكسيه "
وهيدا استاذ المنطق ----- كل شويي بيشهنق
فلسفتو عما يفرق ----- عندو عقده نفسيه
بيعرف حاره بحضرموت------ مخباها بجيب الكبوت
روح افركها يا عكروت ----- الطرد صاير يوميه
والجهاز الاداري ----- بحالتنا مو داري
الدويره اجباري ----- هيدا غير الطاقيه
الله يديم علينا العز ----- أكل البرغل ضد الرز
نسينا بيهالأزمه الخبز ----- ونسينا الهيلاطيه
شنّوا هالحمله والحرب ---- تيبيدوا أعداء الحزب
ماخسروا غير ضمة حب ----- وورقة زهرة بريه
غاصوا بالحقد" الاخوان" ----- سفكوا دمي وين ماكان
زهّر بكواز الرمان ----- زهره حمرا نقيه
ويا رفاقي ردّوا عليي----صوتي مبحوح شوية
من صوتي وصوتو وصوتك----بيطلع صوت الحرية
بدّي غني غنيي ------ وما مستنى التحيه
عن مدرسه بالأساس ---- وهلّق صارت كليه.
نهاية 1981 ومطلع 82
عن مدرسه بالأساس ---- وهلّق صارت كليه.
نهاية 1981 ومطلع 82
0 Comments:
Post a Comment
<< Home